病了幾天似乎都好好多了，今晚可以繼續參加盤菜宴。這個活動似乎已成為團契部每年必備節目，今年揀在元宵舉行，一家人一齊食野都幾有意思呀！今年我地成功叫左雙方父母、姑姐、姑媽、姐姐同姐夫黎，一圍人好熱鬧呢！蝦子餅是是次活動的統籌，所以佢全晚都好忙碌，走來走去無乜點食。今年有11圍，仲首次在chapel內進行，感覺幾好！不過呢間盤菜供應商就麻麻地，先在搬運物資黎既時候已有場少風波，而最重要係大家開餐時才發現竟然只有一桶飯，嚴重唔夠，好在大會預備足夠烏冬、麵黎加料，我地枱仲贏左遊戲有水餃！哈哈！順利開心完場，牧師周圍跟大家合照，唔知下年還有沒有機會一起食盤菜呢？收拾物資時，那個工人又跟我們有點小風波，唉…有人多口lor…我覺得咁樣失見證唔多好呢…但都發生了，無辦法la....

昨日嘔完之後，今朝起身都仲有d唔舒服，起初都諗住照返工ga，起哂身刷牙換衫後，又探下熱，最後都係決定請一天病假，好好在家休息。蝦子餅獨個兒去返工，睡了一陣後自己獨個兒去睇醫生，時間過得很好，蝦子餅放工後回家煮大餐，因為今日係hairian到訪的日子，其實我都有諗過好無叫cancel，不過約好哂就算la，不過今晚真係無力招呼大家了，還好有蝦子餅煮的大餐，大家似乎也很開心，不過我真係咩都食唔落，太可惜了…除了食飯，大家都係傾下計、玩下、送手信同埋最重要今次有派利是lor...下年多個人一齊派la！

阿姐同老闆已先後離開泰國，今日又得番我一個要帶隊回港。早餐過後就係最後衝刺的時間，之前阿姐介紹我去一個商場，佢話應該O岩我行WOR…於是我就出發去O個度LA，果然O岩我既LEVEL，果然我樂而忘返，也買了不少東西，很開心呀！這商場在酒店附近，但要行番去時都十分十分熱…

回房執好行李就等人起行LA，由酒店到機場坐旅遊巴都OK，雖然塞左一陣但時間很充裕，不過…去到機場就CHECK-IN又出事了！去程時我知Travel agent幫我做online check-in，但以為佢回程無做，於是叫大家自己group埋check-in，點知原來又做了online check-in，於是位子又亂哂，惡夢來了，我又唔醒應該立即叫大家比哂passport我去grpup check-in，果然大家很混亂的才check-in到，然後入閘，但我過關也等了很久，到最後召集才到閘口。上到機，我都嘗試幫大家調位，但現場太亂又多人，班機勁full，d空姐問我地做乜事我就解釋佢知，佢都已經嘗試幫我，最後總叫搞掂，但有d人十分唔高興lor…大佬，唔關我事ga…佢地無鬧我，不過事後我知佢地返黎嘈得好緊要lor..有冇背後數我就唔知la...

終於終於返到香港la！我都係等大家散哂水先出閘，蝦子餅已經在等我la！(事後我先知原來佢下午已經黎左…係去睇第二次既阿凡達....

佢話今次真係睇到3d wor...)跟住我地齊齊搭巴士回家，回到馬鞍山後我地去左燉奶佬食晚餐/宵夜，但個胃好頂食唔落，好似唔多舒服咁，其實坐車時已有點暈暈的…快快地回家休息…誰知，訓到半夜太唔舒服醒了，最後要起身吐一大輪才好d…真怕嘔這種感覺，更把睡夢中的蝦子餅嚇醒了…haha

昨日差點遲到早餐都無得食，今日當然早少少la…食飽飽就去行街街la，今日主要行程係行街同做spa。原本我自己在香港時已網上book左一間spa做，睇書介紹的，點知在酒店大堂等lift時，撞到兩個FC，佢地聊我跟佢地晚上去食野，起初我都話唔好GA，因為那個FC本身好富貴，我話：你D高檔野唔O岩我既…不過佢堅持要請我去，於是約好了五點在大堂等，我又話我約左做spa，不過佢又話帶我去做，雖然我都驚去d好貴既地方，不過最後都打算一齊去。

中間既時間我先去左不同地方行街，今日target行有冷氣的地方，不過始終買到既野唔多，得個行字。

跟住又夠鐘返酒店一齊走人，我地一行七個分兩架的士同行，咁既組合去食飯當然係第一次，嘗試下都無妨呀！原來食飯的地方真係相當遠，經過好幾個highway最後先到達，我地架車既司機原來唔識去，只係跟住另一架車，中間多次要在公路上停駛等埋對方，最後終於到左la！呢間位於郊區的海鮮餐廳景色好不錯，我地坐在戶外露天位，黃昏6點幾都唔太熱，跟住大家一齊去揀海鮮/叫餸，wah…估唔到d野真係好好味呢！又大件又新鮮，我地魚蝦蟹都食均了，最後甜品芒果糯米飯更是一絕！是晚真係好開心呢！到比錢既時候，我原本都諗住夾既，但o個位同事堅持唔收我，咁我惟有多謝佢了，最怕呢d咁尷尬既位…於是我請番大家坐的士出市區lor。

晚飯過去我地往spa的地方出發，中間往呢期勁hit的蝴蝶袋店一逛，不過我都無買。去到做spa的地方，竟然係我原先都有考慮既那個herbs asia association，不過二選一之下我揀左間貴少少的試下，點知finally又黎番呢度。我地4個女人去做，得我一個推油，因為其他的之前一日已推過，所以佢地淨泰式按摩，我和其中一位FC一間房，同一個認識但又唔熟既人一齊做SPA(重點係我要除哂D衫！)怪怪的，不過燈光昏暗，斷估佢都睇唔到我既...HAHAHA...幫我地按摩既姐姐仔搞好耐先搞清楚我地邊個打邊個，我推左好似2個鐘，都OK舒服LA，價錢都可接受。臨走時我仲買左個草球，諗住回家可以同蝦子餅玩…

回酒店後，我專登往頂樓的酒吧看看。記得上次同同事黎曼谷，跟佢地去左STATE TOWER上面那個BAR，我覺得勁正！而呢間酒店同樣頂樓有間類似既野，原本都有諗過自己上黎飲野，但晚晚咁夜咁攰都廢事一個人去，但點都想去行下，於是趁最後機會回房前先去參觀，不過我覺得無STATE TOWER咁靚。跟住回房睡了，基本上同我同房既同事係無同我一齊在房見面既(除了第二早上)，因為晚晚我回去佢都訓左了(第一晚我回來訓時佢又去蒲)，我覺得咁樣同房法好搞笑…

食完早餐之後就開始我今日既行程，其實黎泰國都係不停行街同食飯同spa…咁我一個人又唔食得幾多…spa又只會最多做一次，所以都係不停行。在酒店食完早餐其實都好飽了，所以lunch delay都好late先食，我去左一個叫bug & bee的地方，睇書介紹呢度可以上網,坐好耐，但好可惜，我帶左個電腦仔去但整黎整去都上唔到網，即使我比埋個餐廳既人幫我整都唔得，試左好耐都係失敗，等我仲一心諗住可以上網同蝦子餅msn ma...um...惟有淨係食野同打blog la(係在notepad打完遲d先post up，因為我個blog真係大落後…)叫左個類似粥既物體，味道一般，但唔知點解仲係超飽，所以唔係太食得落，飲品就唔錯既…在那裡坐左都好耐就埋單在附近行行，之後就坐車去唐人街。點知…

出到唐人街既地鐵站，我在那個寫住tourist information既類似涼亭望下個map..跟住有個人走來搭訕，佢話自己係tourist guide，今日放假在這裡等老婆黎，又話唐人街今日大清潔去到都無野睇，跟住問我想買咩，就介紹我去一個factory買野，又話o個度平時唔開放比人去，只係中國新年後先開放一星期，又話d野好平，跟住又話叫架turtur黎車我去，仲可以遊埋temple，最終於可以坐船返黎…講真temple我無興趣，不過自己又貪心wor.諗住有平野買都好wor..反正條街熱到死，要行去唐人街都幾辛苦，我都擔心佢騙我，但諗住4點幾最多咪玩個幾鐘，而且我都想去坐船wor...但我話turtur我怕危險，佢就話要揀有牌o個d，仲立即帶左我去街邊睇，「咁o岩」第一架就有牌la，佢同司機講用20baht載我去邊去邊…o係混亂之際，其實我都未諗清楚就唔知點解上左車…開始左我呢個「旅程」。

其實我上車後都有點驚ga…不過諗住還咁早，有咩唔對路咪叫救命或者跳車lor....第一站佢車我去一個temple..但去到又話收左…求其行左一陣司機又話要去廁所,叫我在車上等佢‥等緊的途中，有個原本已經坐在路旁的人向我搭訕，內容的重點係我將要去的那間出口factory佢有去過，仲話上次開放日時佢買左d jewellery比佢屋企人，話quality好好，跟住又話可以賣番比香港的周生生，因為開放日期間唔收出口稅，咁淨係賺呢個已經賺好多錢la.....講完一大輪，司機又出現番la....咁開車去呢個咩出口factory la，一路坐車我都諗究竟頭先個人係真係無聊坐o係度同我搭訕，定係呢個「集團」搵番黎既「妹」呢？anyway…去到就知咩事，到達目的地，但根本我同想像的差天共地，起初那個甚麼tourist guide話好大有幾層咩都有得賣，衫又有、jewellery又有、皮具又有…但點知只係一間爛鬼手飾店，仲要係梅dum dum那些，一d都唔金碧輝煌！我咪即管入去睇下lor…價錢平唔平其實我唔識分，但我一d都唔覺得佢d jewellery靚(可能佢無射燈射住，所以有點也不閃)，咁既情況我點會買野呀！我仲以意唔知有冇二樓…答案當係無la…所以好快我就出左黎…跟住阿司機同我左一埋我聽到明一半既野，總之我以為佢話要去入油，所以車我去原本終點站大temple前就車我去d shop行下，等佢番黎，咁我咪話好lor。跟住就一連車左我去幾間，後來我明白，佢係要車我去d shop度買野，d shop就會比gasoline佢…分別去左d 做衫、賣手信同珠寶店…間珠寶店仲好似係我n年前跟團黎過那一間！有時我太快行番出黎，司機就會求我行耐少少…唉…後來我都無佢咁好氣，叫佢快d車我去尾站算la，原本諗住個幾鐘玩完，但結果就黎用左我兩小時！！

最後總算平安到達那間咩temple，當然無咩好睇，係有少少風景叫可以影下相咁lor！最後我咩都無買既情況下，淨係比左20baht佢，佢絕對係蝕比我！總括而言，呢個「旅程」好明顯被騙，但好彩我無任何損失，只係無左d時間jer...不過後來我將呢件事講比同事知，佢地狂鬧我唔識死lor.....大佬，我都唔想ga....

anyway，無穿無爛繼續行程。最後行完哂template，就按指示在一個碼頭落車，跟住我自己去搭船仔。其實我都唔sure呢條係咩河，唔通就係湄公河？佢有幾條路線，碼頭基本無設施，得個阿姐坐o係度類似賣票，我地用身體語言最後成功買左一張票，等左一架船之後就有得上la！基本上後來我都明佢d路線係點既，所以我都識落船。一路坐船一路想起honeymoon去威尼斯坐船既經驗，都幾似ga…沿途睇下風景，我選擇坐船其中一個目的係因為咁樣可以經過皇宮出面，其實黎過泰國幾次，但從來未去過皇宮，原本今次都有諗過去，但睇書又話去到都係睇temple，又好遠wor，所以我放棄了…咁坐船就可以離遠望下lor....

按我既計劃，我諗住坐船番到最初上turtur的位置附近，就可以去番我原本想去的唐人街。但落船時已經天黑了，周圍都幾靜，我嘗試去其中一個唔知咩market，但差唔多去到附近都知應該close了，夜媽媽唔敢再周圍行，所以都係快d行番去多人既熱鬧地方！跟住成功行到去唐人街，好熱鬧我都安心d，正當我在林真香買緊手信時，竟然就見到我d同事，於是我只係好簡單咁講左頭先去左邊，佢地就話我太大膽…原本我又諗住買手信痴埋佢地一張單，咁可以幫我send番酒店，就不用自己拎…但最後佢地又決定去食翅先，所以無行lu…分道揚鑣後我完成買手信後就再行行唐人街，都有諗過食翅ga，不過一條友好難食叫，所以放棄，再盲中中咁行去mrt station，又比我行到，hahaha…中間都好似有點迷路ga…真刺激！跟住就去今日最後一站：night bazzar！

呢個夜市上次同某d FC一齊黎，不過行呢D市集我其實鍾意自己一個，喜歡睇乜就睇乜，上次驚夜晚危險先跟住佢地，不過去過一次發覺咁熱鬧時，今次就單拖黎LA！呢道既檔攤有超多，我都有TARGET既，除左想買手信，就想睇下飾物同袋之類，大件物品既店可以免睇，由於肚餓，行到咁上下就去醫肚，O個度有D靚餐廳，也有地道野，我當然選擇了後者，我覺得都OK WOR，食左碗叉燒面加凍椰汁，正！食飽飽就繼續上路。是晚的Shopping都行得幾開心，也有收穫，直情行到唔捨得走，但又好攰wor，所以最後行到好似成12點先走人，坐mrt回酒店。回到酒店，d shopping mall exit都close了，要在地面行好耐先番到入酒店…好攰lu....

今日晨早要黎到機場，開展我4天3夜的曼谷之旅。又係曼谷，又係同公司去…其實呢d「公幹」都唔知好定唔好，又無得帶埋蝦子餅去，所以去到都係自己去玩，不過蝦子餅好好黎送我機。我作為領隊，當然在集合時間之前已經到達，跟住點名、指示d人去排隊check in。可能大家都好奇怪點解我老公o係呢度...anyway…入閘前和蝦子餅坐了一陣，跟住佢就要一個人過幾晚lu...

上機後有少許混亂，因為travel agent無按我指示幫我劃位，於是大家在機上調番o岩同自己朋友/家人坐…(呢程尚好.回程仲慘)。平平安安到達泰國曼谷機場，話明在行李帶等人，總係有幾個人自行離開…好麻煩，好彩最後終於都ok la....不過等旅遊巴又等左一陣，因為等錯地方，雙方都白等了…唉…都算la，最終總算安全抵達酒店，見到阿姐都安心d，起碼多個人幫手(因為佢地早一日出發，所以得我一個帶隊無咁方便)不過酒店checkin的速度超慢，大家等到十分之唔耐煩，而且大家都未食lunch，都好明…最後有d人先行離去再回來拎key。我搞掂之後就去食飯la，都係自己一個。我地酒店在市中心，四面佛對面，所以這裡附近我還認得路。出面天氣的確好熱，但都出左去唱錢，因為人地話呢邊既rate好過商場內的…跟住去左旁邊一個小商場行下同食lunch…第一日黎到唔會咁快買野住，所以先周圍睇下…然後番酒店預備晚上的東西。

第一晚都係例牌公司一齊食飯。今年訂左間泰國餐廳，又係坐旅遊巴去目的地，又要預備遊戲。不過竟然無左事先叫佢準備既咪！ｏｈ！唯有叫破喉嚨，不過今年似乎d遊戲唔多受歡迎，佢地都係唔喜歡用腦的一班人，所以太用腦既遊戲完全唔投入…算la…我盡左力ga la.食物方面都有點相當辣，但總括黎講都算好味！影完大合照就上車走人la！有d人仲去玩，我當然回房好好休息。

今日返左教會練詩仲有詩班小組，剛成立呢個小組都想大家溝通好d，所以約左今日一齊出去食飯，但好可惜，唔知點解明明約好左d人都會唔出現，我開始發覺好多人係咁，約o個陣無話唔得，到o個日又唔出現又無電話…咁即係點？呢d事唔係第一次發生ga la...我諗呢d唔係叫要求高jer，係基本禮貌咋ma？點解咁多人都有呢個毛病？算la，結果我地都幾個人出左去食飯，傾就唔係傾得多，少少la，講下期望咁lor...去了扒王之王食…之後先回家休息。

因為病病的緣故，今日下午還是睡了一陣。蝦子餅要準備足球比賽，所以沒有回來陪我，我一心打算睡一陣就出去支持佢，不過睡落又好難起身wor...不過諗住佢第一場應該要支持下既，所以最終還是爬了起床換衫去紅磡黃埔的球場。去到未開始剛剛好，以我地教會足球隊既實力，都唔期望贏....不過蝦子餅做守龍門，我當然都唔想佢失球，我一路睇都好緊張呢！雖然呢場波最後都輸左，但至少有入球，ok唔錯！

踢完都8點幾9點lu...由於明天要飛la，所以沒有和其他人食飯，快快回家了。