二姐姐將於明年三月結婚，承傳我家結婚要包衫既傳統，佢都預埋我同姐姐既靚衫，不過今次唔係租，而係造。佢指定了一間店，在尖沙咀百利，叫我自己去揀

。今晚去到，發現原來百利商場聽得多，我好似無乜黎過。商場都好多賣結婚野的店，但大部係賣姊妹衫的，起初我以為二姐姐也在這間店租衫，但去到見咁細同埋無乜新娘衫就知道，這只是造姊妹衫的，她也出錢造埋比佢既姐妹團，幾好。原來價錢比想像中平。

呢間舖都幾旺，我去到時有d人試緊衫，咁我周圍睇下，但起初個sales d 態度麻麻地，d衫既款又好似睇唔o岩，搞到我想幫襯第二間，但二姐話這裡也有不少黑店，所以最後我又返番黎呢間。左揀右揀最終叫揀到la，個sales後來又語氣好dd，所以我都試左，叫揀左款…由於結婚我都肥左好多，未成功修身要度身我都擔心，不過原來佢只係分大、中、細碼再大概度下size咁。要努力減下肥先得！最後我揀左件湖水綠，但佢d布辦既色又同我想要那種差少少，希望造出黎都靚la！

終於到左五十周年會慶既日子。由於我地個區既聯合崇拜地點在烏溪沙，所以唔洗返教會集合，直接由屋企行過去。約埋宇哥、BRIAN、靜靜等，行過去都OK近。我地詩班員要早D去練習，我地去到時差唔多齊人LU，臨開始時牧師竟然突然叫我幫手點爉燭，雖然平時做主禮都會點，不過對住咁多人做又有點緊張既，不過又同時都覺得好光榮。練習過後，正式開始崇拜LU，點爉燭當然無問題，崇拜唱詩都幾好呀，詩班坐在台上，除左睇那個VIDEO外，甚麼都睇得好清楚。過程順利完結，之後要「趕住」去食飯，點解要趕住呢？因為午餐有兩場，我地屬第一場，完左要立即交場比下ROUND，但我地有部份人做總務要幫手收拾，所以比較LATE，不過都夠時間食。

下午大會原定有不少活動既，不過甚麼福音粵曲、讚美操、親子活動都不是我們的茶，唯一可取是參加籃球比賽。救恩堂的男子都打算參加既，話說佢地之前想報名卻無人知點報，以為即場報名，到今日打算即場報名，人地又唔比…咁無辦法LA，無野玩惟有走人，男子組最後外出街場打波(誰知，最後消息係得兩隊報左名，而最後其中一隊仲唔知咩原因而無打LOR.....真O嘴)。另外我就同其他人去左NICK 屋企練歌，係呀，練佢婚禮D歌，所以和蝦子餅各散東西了。

雖然今日既聯區活動最後好似變左只有崇拜，不過好開心見到阿琴，就是柬宣認識那位，佢完成柬埔寨短期宣教之旅，又返左黎香港LU！

難得魚魚再返黎香港！我地當然要約出黎聚下，不過我地呢班友仔個個都忙，返工時間又唔夾…結果為左約成齊人，我地竟然係只可以通宵時段！
oh！好似第一次為左gathering而通宵，我地認真夠創新。
地點方面，左揀右揀，最後決定到我家了，因為魚魚未黎過，而且當大家頂唔順時就可以訓覺la！
於是，這晚我和蝦子餅依然可以先回老爺家食飯，然後再回馬鞍山，快快沖好涼等大家黎，到齊人時都過左12點la…大家第一時間都係食下野醫肚先…
魚魚今次回來已經是人妻，我地無得去瑞典觀禮就當然先欣賞下佢既相同video 先la.
瑞典的婚禮同香港的真係好唔同，感覺都係靜靜地進行，不像香港般咁熱鬧。而且新娘既衫亦無咁grand，唔會換咁多套(因為根本無擺酒)，只係屋企人一齊食飯。魚魚既戒指仲好特別tim，佢地既結婚戒指同訂婚戒指同香港的剛好調轉，而結婚後仲會兩隻一齊戴，好得意呀！不過今次per無黎我家(因為無咁多位la，而且佢又無咁多野同我地講…)所以見唔到新郎la，唔知嫁比外國人係點既呢？

為左讓大家成晚唔會悶到發慌，我安排左睇相、玩game、整cookie、傾計等環節，不過最後大家其實傾計都傾好耐，所以都無乜做過其他d咩。時間其實也過得很快，講下以前、講下而家、講下將來既計劃…傾傾下好快都5點幾，雖然中間各自有好眼訓既時間，躺在sofa/椅子上，不過我地都捱到6點先入房睡，haha，(只係蝦子餅在4點幾時被我逼左佢去訓覺)我地雙人床睡左3個女仔，蝦子餅比我逼左落衣櫃旁邊既地方訓，還有tortor選擇訓sofa，而蔡瑤就選擇6點去搭車走人。

人老了，通宵真係通唔到幾多次…不過為左見好朋友，捱下又何妨？可惜今次無影相lor.....

雖然剛剛才開了栽培部會，今日又去開傳道部。話說，每個執事都要兼一個部既部長，09年我係栽培部，而09年既傳道部部長玲姐將卸任，而其他執事基本上都不會傳部了，又加上來年教會做「差傳的教會」，傳道部要增加部員，牧師之前已聯絡我想搵d去過短宣既人加入，但我亦一再因為工作量而考慮，(話哂我已經係崇拜部、團契部同栽培部)。原本都想唔入的，但經玲姐再講，最後半推半就的情況下就加入了，而剛好昨日的教友大會未就新執事商討部長問題，所以我未明正言順調去做傳道部部長…

結果，我來了「列席」。先了解下呢度發生咩事。基本上今次都仲係傾緊今年既活動，所以無乜特別，但下次就到我lead會lu…都有少少驚驚地，話哂自己在差傳方面都認識唔多…努力！！

今日係教友大會，但唔知點解好少人，差點不夠人數開，萬一流會就麻煩了…
今次是選執事，除了兩位可連任的現任執事被選出外，還多了帆哥哥這位成員。希望可以好好合作吧！

下午有讀經日營，睇路加福音但要由頭睇一次都真係唔少時間，結果睇唔哂…haha…不過都好既。靜靜地讀經，我很喜歡這感覺。

星期五接到恩教電話，牧師身體不適，要幫手做主禮！wow…多麼令人緊急…咁耐以來都未試過咁樣「食雞」，好彩既係歌已經揀哂，只係要諗下中間既轉接、寫埋禱文就ok，不過由於歌唔係自己揀，所以係有唔識唱既，好彩有譜屋企又有琴，就咁ok la！後來先知原來呢日係差傳主日既崇拜，作為去完短宣又咁有體會既我，做呢日既主禮都有意思d既。最終平安過度！

晚上約了hairgroup聚會，今次約去禾輋既大排檔「陳根記」，記得以前團契都有黎食過。叫了好幾味小菜，大部份味道是不錯的！食飽飽後我們一同行去新城市準備食甜品，期間竟然發生「斷踭」事件！無…我行行下對鞋個踭斷左jer...haha…笑爆lor....好彩有蝦子餅扶住我行jer。最後我地去左新城市既Mc Cafe坐坐食食。

今晚我帶了一本經典的notebook來，這本紀錄了十年前東東的東東，記載著hairgroup最開始幾個活動的花絮，還有不知是某人(懷疑是小肥還是woody)做的無聊attendance，睇番舊時的東西總令人很回味。是次，我們還約定了十周年旅行，很久沒有跟朋友去旅行了，近年都只是跟蝦子餅一齊去，當然都好開心，不過同朋友一齊去感覺又不同。希望成事吧。

為左信義會50周年會慶大崇拜，我地今晚去活靈堂練歌。時間關係，我和蝦子餅一面行一面食我們的簡便晚餐。

之前其實都在總會練過，但今次只有新界北區加沙田區，人數少了很多…大家要努力la！

不過我覺得活靈堂這個位置實在很不方便…點解唔o係救恩堂練呀…
事後一大班人行番出大圍坐火車回家。